نگراں وزیر صنعت، تجارت، اور توانائی ایس ایم تنویر نے تاجر برادری کو کاروبار کرنے میں آسانی کے لیے ہر ممکن اقدامات کرنے کی یقین دہانی کرائی ہے۔ انہوں نے اس امر کا اظہار لاہور چیمبر آف کامرس اینڈ انڈسٹری کے پائنیر بزنس گروپ کے ایک وفد سے گفتگو کرتے ہوئے کیا ہے جس کی قیادت اس کے چیئرمین علی حسام اصغر کررہے تھے۔وفد لاہور چیمبر کے سابق نائب صدر حارث عتیق، لاہور چیمبر کی ایگزیکٹو کمیٹی کے ممبر مردان شاہ اور مختلف شعبوں سے تعلق رکھنے والے تاجروں پر مشتمل تھا۔ ایس ایم تنویر نے کہا کہ اس میں کوئی شک نہیں کہ صورتحال خاص طور پر چھوٹے اور درمیانے درجے کے کاروباری اداروں کے لیے بہت مشکل ہے لیکن ہم کاروباری اداروں کو سازگار ماحول فراہم کرنے کے لیے پرعزم ہیں۔ میں نے اوپن ڈور پالیسی اپنائی ہے اورمسائل کے بارے میں پہلے ہاتھ سے آگاہی حاصل کرنے کے لیے بازاروں کا بھی دورہ کر رہا ہوں۔ مسائل کا فوری حل میری ترجیح ہے۔ میں وفاقی حکومت سے متعلق معاملات کو متعلقہ لوگوں کے ساتھ اٹھاؤں گا۔وفدنے نگراں وزیر صنعت، تجارت، اور توانائی کو معیشت کے مختلف شعبوں کے کاروباری اداروں کو درپیش مسائل سے آگاہ کیا۔ انہوں نے منڈیوں اور ایسوسی ایشنز کا دورہ کرنے اور مسائل کے حل میں ذاتی دلچسپی لینے پر ایس ایم تنویر کا شکریہ ادا کیا۔ایس ایم تنویر نے حمایت پر پی بی جی کا شکریہ ادا کیا اور امید ظاہر کی کہ پی بی جی کاروباری برادری کے مسائل کو اجاگر کرتا رہے گا۔
پروسٹیٹ کینسر کی تشخیص کے لیے نیا ٹیسٹ وضع
نائیجیرین خاتون کا طویل ترین انٹرویو میراتھن ریکارڈ…
اُلٹی چلنے والی گاڑی سوشل میڈیا پر وائرل
سیاسی نظریات کی نشان دہی کرنے والا اے آئی الگوردم
ایکس کی اسمارٹ ٹی وی ایپ متعارف کرانے کی تیاری
امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
ایرانی صدر کا دورہ پاکستان خوش آئند ہے، کاٹی
پاکستان کی آئی ٹی برآمدات میں ایک ماہ میں 339 ملین ڈالر کا ریکارڈ اضافہ
پاکستان اور افغانستان کے درمیان باہمی تجارت کے فروغ کی بڑی گنجائش موجود ہے،ذکی اعجاز
سائنس دانوں کا پانچ کروڑ سورج سے زیادہ طاقتور دھماکوں کا مشاہدہ