فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے وفد نے ریجنل چیئرمین محمد ندیم قریشی کی سربراہی میں وفاقی وزیر صنعت و پیداوار سید مرتضیٰ محمود سے ملاقات کی اورپیکجنگ کے شعبے کو صنعت کا درجہ دینے کا مطالبہ کیا۔وفد میں سابق سینئر نائب صدر خواجہ شاہ زیب اکرم، نائب صدر لاہور چیمبر عدنان خالد بٹ،آل پاکستان کورگیٹڈکارٹن مینو فیکچرنگ ایسوسی ایشن(اے پی سی سی ایم اے) کے چیئرمین ذکی اعجاز قریشی اورمحمد شاہد بیگ بھی شامل تھے۔اس موقع پر محمد ندیم قریشی نے کہاکہ پیکجنگ پاکستان کاپانچواں سب سے بڑا سیکٹرہے۔حکومت پیکجنگ کے شعبے کو ’’ضروری،صنعتی اور ایکسپورٹ پرمبنی‘‘ صنعت کادرجہ دے۔ صنعت کے درجے کے بعد حکومت کو پیکجنگ سیکٹر سے سیلز اور انکم ٹیکس کی مد میں زیادہ انکم حاصل ہو گی۔محمد ندیم قریشی نے مزید کہاکہ 2022کے ڈیٹا کے مطابق پاکستان کی برآمدات میں پیکجنگ کا بالواسطہ 10فیصدشیئر بنتا ہے۔انہوں نے مزید کہاکہ پیکجنگ سیکٹر کے خام مال کو امپورٹ کی essentialلسٹ میں شامل کیا جائے۔لاہور چیمبر کے نائب صدر عدنان خالد بٹ اوراے پی سی سی ایم اے کے چیئرمین ذکی اعجاز قریشی نے بھی سید مرتضیٰ محمود کو پیکجنگ انڈسٹری کے حوالے سے بریفنگ دی۔سید مرتضیٰ محمود نے مکمل تعاون کی یقین دہانی کرائی اور کہااس سیکٹر سے وابستہ صنعتکاروں اور کاروباری طبقہ کے مسائل ترجیحی بنیادوں پر حل کئے جائیں گے
عجیب و غریب ڈیزائن کی حامل گاڑیاں
پروسٹیٹ کینسر کی تشخیص کے لیے نیا ٹیسٹ وضع
نائیجیرین خاتون کا طویل ترین انٹرویو میراتھن ریکارڈ…
اُلٹی چلنے والی گاڑی سوشل میڈیا پر وائرل
سیاسی نظریات کی نشان دہی کرنے والا اے آئی الگوردم
ایکس کی اسمارٹ ٹی وی ایپ متعارف کرانے کی تیاری
امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
ایرانی صدر کا دورہ پاکستان خوش آئند ہے، کاٹی
پاکستان کی آئی ٹی برآمدات میں ایک ماہ میں 339 ملین ڈالر کا ریکارڈ اضافہ
پاکستان اور افغانستان کے درمیان باہمی تجارت کے فروغ کی بڑی گنجائش موجود ہے،ذکی اعجاز