ایف پی سی سی آئی کی مینجمنٹ کمیٹی کے شبیر حسن منشاء نے اس بات پر زور دیا ہے کہ پاکستان میں میڈیکل ڈیوائسز اینڈ ڈائیگناسٹک انڈسٹری کے لیے ریگولیٹری ماحول کو آسان اور کاروبار کے لیے سازگار بنایا جانا چاہیے تاکہ خود انحصاری کے حصول میں مدد کے لیے ایک حوصلہ افزا ماحول پیدا کیا جا سکے۔ وہ ایف پی سی سی آئی میں پاکستان بھر سے ملٹی نیشنل اورقومی ہیلتھ ڈیوائسز مینوفیکچررز اور تاجروں کے ایک بڑے اجتماع سے خطاب کر رہے تھے۔ شبیر حسن منشا نے 22 کروڑ آبادی والے ملک کو کرونا کے بحران میں مناسب قیمتوں پر حفاظتی اور تشخیصی سامان فراہم کرنے پر میڈیکل ڈیوائسز اینڈ ڈائیگناسٹک انڈسٹری کی تعریف کی۔ عاصم رؤف، سی ای او ڈریپ نے اس موقع پر کہا کہ ریگولیٹری ادارہ صحت کی دیکھ بھال کے آلات کے مینوفیکچررز، درآمد کنندگان اورڈسٹربیوٹرز کے حقیقی خدشات کو دور کرنے کے لیے تیار ہے۔ انہوں نے تمام اسٹیک ہولڈرز کے ساتھ اس سلسلے میں گفت وشنیدکا بھی خیر مقدم کیا۔تقریب کے اعلیٰ سطحی مقررین میں نعیم چوہدری، چیئرمین (HDAP)، محمد عابد منیار، میڈیکل ڈیوائسز کمیٹی (HDAP)، محترمہ انیلہ سکندر، عدنان احمد صدیقی، کمال مصطفیٰ اور دیگر انڈسٹری لیڈرزبھی شامل تھے۔انہوں نے میڈیکل ڈیوائسز اور IVR ریگولیشنز؛ علاج معالجے کے سامان کا ایکٹ؛ متعلقہ سیلز ٹیکس معاملات؛ COVID-19 سے متعلقہ SRO اور صنعت میں کام کرنے والے چھوٹے اور درمیانے درجے کے کاروباری اداروں (SMEs) کے مسائل سے متعلق امور پر تبادلہ خیال کیا۔ہیلتھ کیئر ڈیوائسز ایسوسی ایشن آف پاکستان (HDAP) نے تمام اسٹیک ہولڈرز کو ایک اجتماعی پلیٹ فارم پر لانے کی خواہش کا اظہار کیا ہے تاکہ پوری صنعت اور اس کی ترقی کے لیے ٹھوس فوائد حاصل کیے جاسکیں۔
پروسٹیٹ کینسر کی تشخیص کے لیے نیا ٹیسٹ وضع
نائیجیرین خاتون کا طویل ترین انٹرویو میراتھن ریکارڈ…
اُلٹی چلنے والی گاڑی سوشل میڈیا پر وائرل
سیاسی نظریات کی نشان دہی کرنے والا اے آئی الگوردم
ایکس کی اسمارٹ ٹی وی ایپ متعارف کرانے کی تیاری
امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
ایرانی صدر کا دورہ پاکستان خوش آئند ہے، کاٹی
پاکستان کی آئی ٹی برآمدات میں ایک ماہ میں 339 ملین ڈالر کا ریکارڈ اضافہ
پاکستان اور افغانستان کے درمیان باہمی تجارت کے فروغ کی بڑی گنجائش موجود ہے،ذکی اعجاز
سائنس دانوں کا پانچ کروڑ سورج سے زیادہ طاقتور دھماکوں کا مشاہدہ