ملکی درآمدات میں 18.39 فیصد کمی، برآمدات میں 45.59 فیصد اضافہ ہوا ، ایف بی آر

جولائی 2019 کے دوران ملکی درآمدات میں 18.39 فیصد کی کمی، برآمدات میں 45.59 فیصد اضافہ ہوا ۔فیڈرل بورڈ آف ریوینو (ایف بی آر) کی جانب سے جاری کردہ اعدادو شمار کے مطابق گزشتہ جولائی 2018 کے دوران درآمدات کا حجم 4 ہزار807 ملین ڈالر رہا جبکہ جولائی 2019 کے دوران درآمدات کا حجم 3 ہزار 923 ملین ڈالر تک کم ہو گیا۔اس طرح گزشتہ جولائی 2018 کے مقابلہ میں جولائی 2019 کے دوران ملکی درآمدات میں 884 بلین ڈالر یعنی 18.39 فیصد کمی واقع ہوئی ہے۔ جبکہ جولائی 2019 کے دوران ملکی برآمدات میں 45.59 فیصد کا اضافہ ہوا ہے۔ گزشتہ جولائی 2018 کے دوران برآمدات کا حجم 204 بلین روپے رہا جبکہ جولائی 2019 کے دوران برآمدات کا حجم 297 بلین روپے تک بڑھ گیا۔اس طرح گزشتہ جولائی 2018 کے مقابلہ میں جولائی 2019 کے دوران ملکی برآمدات میں 93 بلین روپے یعنی 45.59 فیصد کا اضافہ ہوا ہے۔