کراچی: پاکستانی مصنوعات کی دنیا میں تشہیر کے لیے خصوصی ’’ای کام بی آر آئی‘‘ کے نام سے خصوصی پلیٹ فارم تیار کرلیا گیا۔
پاکستان نے عالمی ویب سائٹ علی بابا ڈاٹ کام کے طرز پر پاکستانی مصنوعات کی دنیا میں تشہیر کے لیے خصوصی ’’ای کام بی آر آئی‘‘ کے نام سے خصوصی پلیٹ فارم تیار کرلیا ہے۔ یہ پلیٹ فارم چین کے مختلف خطوں کو مواصلات کے ذریعے باہم منسلک کرنے والے ’’بیلٹ اینڈ روٹ ‘‘ منصوبے سے جڑے دنیا کے 100ممالک میں پاکستان کے چھوٹے اور درمیانے درجے کے کاروباری اداروں(ایس ایم ایز) کی تیار کردہ مصنوعات اور خدمات کی تشہیر کا موقع فراہم کرے گا۔
ای کامرس گیٹ وے کے صدر ڈاکٹر خورشید نظام نے گزشتہ روز کراچی میں میڈیا بریفنگ کے ذریعے ’’ ای کام بی آر آئی ڈاٹ کام‘‘ کے بارے میں تفصیلات فراہم کرتے ہوئے بتایا کہ اس اقدام کا مقصد پاکستان اور چین کے چھوٹے و درمیانی کاروبار کے لیے مشترکہ منصوبے قائم کرکے عالمی مارکیٹوں میں جگہ حاصل کرنا ہے۔ چین دنیا میں پاکستان کے لیے ایک راہداری کا کام سرانجام دے سکتا ہے۔
چین مشترکہ منصوبوں کو بہت زیادہ پسند کرتا ہے اور پاکستانی کاروباری اداروں کو سہولت بہم پہنچانے کا خواہاں ہے۔ بیلٹ اینڈ روٹ کے عظیم منصوبہ سے پاکستان کو بھرپور فائدہ مل سکتا ہیاس پورٹل کا باضابطہ افتتاح آئی ٹی سی این ایشیا نمائش میں کیا جائے گا۔
ڈاکٹر خورشید نظام نے بتایا کہ یہ پورٹل پاکستانی ایس ایم ایز کی مصنوعات کی آن لائن اور آف لائن تشہیر کا ذریعہ بنے گا ۔ ای کامرس گیٹ وے اس پورٹل کے ذریعے دنیا کے 100ممالک میں پاکستانی مصنوعات کی تشہیر کرے گی جبکہ چین میں لگنے والی دنیا کی بڑی درآمدی نمائشوں میں بھی پاکستانی کمپنیوں کی مصنوعات رکھی جائیں گی
افتخار علی ملک کاروبار، صنعت اور انسان دوستی کے علمبردارہیں،یو بی جی
تاجر برادری معیشت کی ترقی میں اہم کردار ادا کر رہی ہے، احسن ظفر بختاوری
حکومت کی توجہ معیشت کو مزید بہتر بنانے پر مرکوز ہے،وفاقی وزیر تجارت
خودپسندی میں مبتلا افراد بےحس لوگوں سے زیادہ خوش رہتے ہیں، تحقیق
دمے کا نیا سبب دریافت، سائنس دان علاج کے لیے پُرامید
2023 میں عالمی سطح پر گرین ہاؤس گیسز میں اضافہ برقرار
دنیا کے مختلف ممالک میں رواں سال کا پہلا سورج گرہن
نوکری کے روایتی اوقات صحت کے لیے فائدہ مند قرار
ڈاٹ پی کے ڈومین رکھنے والی ویب سائٹس سے لاکھوں افراد کا ڈیٹا چوری
جوہری توانائی سے چلنے والے عظیم جثہ ہوٹل کا منصوبہ پیش